Rumah sewa dibawah KHEU
June 19, 2009 – 5:49 pmCuba tah kalau dapat pihak KHEU dapat membuat lawatan kerumah sewa kerajaan yang disewakan arah pekerja kerajaan. Macam rumah kami ani sudah pacah memacah dan latar melatar. Susi lampu kipas jenama murah inda lagi dapat ditekan. Bila dimaklumkan arah tuan rumah, ia membagi alasan kononnya plasternya ganya yang pacah. Padahal pacah atu sampai kedalam sudah. Kalau hari hujan meyimbah kedinding, air akan masuk dari luar melalui celah dinding yang retak. Ada dinding yang terus pacahnya sampai semut pun boleh masuk dari luar. Tuan rumah ganya menyuruh pekerjanya menampal tapi tampalan ani ganya menutup masalah atu dari nampak. Tatap jua lakat latar didalam dinding atu. Indakan tunggu rogoh baru tah sebok buat survey rumah-rumah yang disewakan dibawah Kementerian Ugama. Kan memohon rumah lain kena maklumkan, inda lagi KHEu ani menyewa rumah. Habis apa tah ceritanya ni ?
One Response to “Rumah sewa dibawah KHEU”
Baru ku tabaca ni komen pasal rumah kerajaan d KHEU ani, andang nya tu wang pasal yg menguruskan hal ehwal rumah atu andang tidor kali kraja nya. Contoh nya ipar ku kan memohon bah nda dapat jawapan durang indada kosong, mana kan ada yang kosong mun rumah atu ada di berikan nya kepada orang luar yang nda berhak. Cek tia ada tu iban malaysia yg bekerja sebagai buruh di tempatkan nya di perumahan KHEU ah, apa alasan nya?
By Pacman on May 30, 2010