Berbudi bahasa.
December 14, 2009 – 4:53 pmKenapa orang custom di Airport inda kan pandai berbudi bahasa? Lampau kurang ajar. Selalu sudah kamu atu kana complain tapi inda jua pandai berubah. Sudah tah keraja kamu atu inda efficient. Saya ani selalu belayar, customs negeri lain inda jua kurang ajar macam durang ani. Saya atu sekadar bertanya ‘inda check sekali gus?’ Atu pun jadi kemarahan nya. Tahu durang atu kah yang kerajanya atu boring? Iatah kali jealous meliat orang lain siok siok belayar tapi ia terpuruk saja di airport mencheck bag. Saya ani terkejut bah perangai durang yang kurang ajar atu. Saya bertanya bisai bisai, ia kasar perangai. So Custom, belajar tah berbudi bahasa dih. Apalagi yang ketani ani sama sama melayu! Bukannya saya atu inda mau kamu mencheck bagku tapi merely suggesting for you to check my bags at one go. Kalau inda mau, cakap cara baik bah bukan kurang ajar. Cara keraja kamu atu membuat queue panjang. X ray machine atu satu nganya. Ehhh, iatah kali ni akibatnya, orang inda berpelajaran.
5 Responses to “Berbudi bahasa.”
Kan tau ku bila kejadian atu. Yang setau ku aku ani malar jua balik belayar. Inda pernah ku ta jumpa orang kastam uja kita atu. Kali kita atu inda ikhlas kan minta periksa bag atu kali… Tau kita keja org kastam atu boring…. Jgn tah mgucapkan org kastam mcm atu. Baik jua udah d org atu mau bekeja. Patutnya ktani say TQ arah dorg ani. Dapat jua kutip hasil n mduli keselamatan Negara ktani. Bukan nya d ucapkan kurang ajar… Lau tempat negeri lain pandai ktani kan belambut ( takut peraturan dorg contohnya ke Lbang saja tani…xxx )
If u ori Bruneian sama2 tani sapot org tani bukan kan menghancurkan…. krg tani jua kena pihit. To semua Pegawai Kastam inda kira d Apot kah tau dmana jua jgn lamah semangat. Kami Ori Bruneian sentiasa beri kejsama wit u all. Jgn telampau blambut dgn org mcm ani, krg kamu yg dpijaknya ( ani firestone ni )
By Gm on Dec 15, 2009
Eh dang/wang kau ani mau ngakun org melayu tp kau atu yg inda bebudi bahasa/sopan santun. Ngucapkan org customs kurang ajar n inda bepelajaran ah….Spesis Melayu apa kau ani kan…. Bunyi kau ani bepelajaran tapi LANGSUNG…..pui…
By anak buah gm on Dec 15, 2009
Kalau ikutkan statement Tuan/Puan Ira Cullen ‘org custom Airport’ ertinya semua tu temasuk ketua2 nya sekali. Banar kah cerita Tuan/Puan ani? Brapa biji bag Tuan/Puan kan suruh check atu kan? Jangan2 Tuan/Puan marah ani kana suruh bayar cukai kali? Kalau mengikut ‘RISK MANAGEMENT’ yg dpelajari Custom yg Tuan/Puan katakan orang inda berpelajaran atu, sebenarnya cara Tuan/Puan nyuruh check bag banyak2 1 kali gus atu adalah salah 1 diantara TEKTIK orang yg membawa sesuatu tu, tujuannya supaya Custom nda memeriksa semua bag Tuan/Puan atu contohnya kalau bag Tuan/Puan ada dlm 20 belas biji lah katakan sekiranya, selalunya Tuan/Puan akan menyimpan bag2 yg dlmnya clean/clear ddapan dulu tu utk d check, sekiranya Custom baru check dlm 2 biji bag lah katakan lapas atu kan check bag ke 3 dan seterusnya dan ada diantara bag atu yg berisi barang2 becukai lah katakan nah dsini tah tempatnya Tuan/Puan akan besuara ni ‘Eh! wang sama jua tu dlm bag atu nada apa2 tu cuma pakaian saja tu. OK tu wang ah! Thank Q i love u’.
Jangan marah ah! ani sebagai contoh saja, lagipun biasanya orang kana suruh bayar cukai atau barang2 nya kana tahan yg selalu marah n mengomplain ani. Anu pasal mesin x ray satu nganya atu kalau niat Tuan/Puan menghina Custom ertinya sama tah jua mcm Tuan/Puan menghina Kerajaan KDYMM tu.
By tabasco on Dec 15, 2009
salam, logik jua comment wang tabasco tu that the real rule for custom.tq wasalam.
By penglima kecil on Dec 16, 2009
kalau kau di luar negri,jangann tah jauh.. singapura saja. eihhh… macam tikus mua mu! berapa ramai sudah urg brunei kecundang kana tangkap d luar negri. yang terpelajar sudah tu.. lgi pun,inda pegawai custom marah kalau banar2 bahasa mu atu lambut. gerenti kasar bahasa mu atu.. kau tah yg mula kan tu. mun diri atu terpelajar buat tah comment yang bagus,bukan merandah kan urg brunei sendiri.sayang muka saja cantik,bahasa buruk. ngucap urg custom inda terpelajar. lurus cakap tabasco atu jua bah.. jangan2 kau ani mbawa barang2 bcukai kali.. iatah kau minta cek trus sekaligus.. alasan. satu hari kau kana tangkap d luar negri,bru kau tau kan tinggi randah langit!
By putih on Dec 19, 2009